توت حاوي حاوي توت
توت حاوي حاوي توت
خش اتفرج هرج فوت
زاحم لاحم عارك اضرب
ناضل فاضل
خطوة وتقرب
وإلحق نفسك
قبل ما يلعب
وامسك نفسك جوه الملعب
دانت حتضحك لما تموت
توت حاوي
حاوي توت
***
توت حاوي سبع مرات
لعبة جديدة
يا حضرات
دق الفول ويا الكرات
هات الشطه والبهرات
شخبط لخبط حضر طاسه وكب الزيت
ولع طلع ريحه مريحه ف جو البيت
ح تلقى عجينه عجيبة متينة
لا تقول تينه ولا برتينه
كل يا صنايعي كل يا فقير
كل ماهو لسه الفول قناطير
آه يا سلام لو عود جرجير
تفضل تاكل لما تموت
توت حاوي
حاوي توت
***
توت حاوي حاوي توت
خش اتفرج هرج فوت
قعده فكيهه
حتسمع فيها
حكاية البيضة والكتكوت
يحكى أن
ولازم يحكى
وكان ياما كان
قبل الجنه
كان فيه بيضه وفرخه كمان
دبحوا الفرخه طبت سارخه
قامت البيضه طقت شارخه
طقشت فقست فرخ فصيح
يدن ويهلل ويصيح
حتى إن كان على وش دبيح
يفضل يدن لما يموت
توت حاوي حاوي توت
***
سحر مفيش دا كلام تهويش
نفض مخك يا ابو درويش
كل ما فيها الدنيا دي فيها
ناس بتبكش لجل تعيش
حابس حابس عفريت كابس
ينزل قالع يطلع لابس
واللي بيرقص ع المسامير
واللي بإبره بيفحت بير
واللي بينفخ في المزامير
يفضل ينفخ لما يموت
توت حاوي
حاوي توت
.............................................................................................................................................................
افتح ياحمام كراريس الرسم
افتح ياحمامالرسم كراريس ده حمامه شهيدة بتتقدم بتصلى وتفتتح المرسم
أرسم ع الصورة بيعدى عصفور يحلم بمدينة من نور ما فيهاش صياد بجناح مكسور
ترسم مراجيح ما تهاب الريح ........ملعب أطفال بسلالم عاج
والعالم عائل مش مجنون ...........ولا يمكن طلقة هترسم كون
ولاتقدر تخلق خط ولون..........ولا تمنع شمس تضم غصون
من خيط دخان مصنع حربى..........يرسم فى خريطة المستقبل
راح نرسم سرب حمام بيدور.........ويدق بمناديلة فى النور
بيصحى ضمير البشرية .........وازاى هيكون انسان بصحيح
من غير ما يكون الرأى صريح .........من غير ما يغنى بحرية
ولا يمكن أبدا راح نرسم .........بغيوم سوداء وسماء بتغيم
على طفل بيبكــــــــــــــــــــــــــــــــــــــــــى فى مخيم
راح نرسم ايد تتمد لئيد..........وما فيش أسياد وخدم وعبيد
من حق الخيل يفرح بصهيل .......... يرمح ببراح ويعوم فى النور
من حق الشمس تمد شعاع .........شعاع لشراع غرقان
من حق الشـــــــــــــــــــــــــجرة تمد فرو عها
من حق الطفل فى حضن الأم.........يحلم بسلام
..............................................................................................................................................................
جناين الشيطان
ياللى زرعتوا الخوف فى بر الأمان
ونسيتوا حتى الخوف زرعتوه فين
مات الربيع فى جناين الشيطان
و الموت بيزرع علمه فى العلمين
---------------
ضاقت عليكوا الأرض
جيتوا تحاربوا بعض
فى بلادنا أم الخير
و الإبتسام و الورد
---------------
الموت طرح أزهار حديد ملغوم
تحصد غصون الفرحة و الأحلام
زهر الهلاك
خلى الهوا مسموم
الموت فضل
و بترحل الأعوام
---------------
يا كل الإنسانية
الدم ماهوش ميه
---------------
تعالوا لموا الموت من تحت رجليا
---------------
يا كل الإنسانية
الدم ماهوش ميه
تعالوا لموا الموت من تحت رجليا
---------------
تعالوا لموا الموت من تحت رجليا
...........................................................................................................................................................
دق الطبول
عالم جديد من غير حدود
انسان سعيد يملى الوجود
ونسمع نداك رافض سكوتك
وخطى مداك يوصلنا صوتك
دق الطبول يا اسمر وقول
ازرع امل بكرة تنول
افرد شراعك واطوى البحار
دة الكون يساعك خضرة وعمار
دة انت الفروع وانت الاصول
دق الطبول
افتح عيونك واحلم كتير
صحى العيون تصحى العقول
دق الطبول
دور وشوف رغم الصعاب
الناس حروف والشوق كتاب
امشى الطريق مهما يطول
دق الطبول
.................................................................................................................................................................................................................
كان ياما كان
كان ياما كان فى اجمل الاوطان قمرايا وعروسة
وطلة وشموسة وسكة فى الوادى ونهر موجة هادى
وبيت جميل قريب وحصان عجوز وطيب
وراجل اسمرانى مصاحب الشجرة والنهر والنجم
وراجل اسمرانى مصاحب الشجرة والشمس فى العالى
يا طالع الشجرة هتلى معاك قمرة عيونها بصاصة واديها حساسة
يا طالع الشجرة هتلى معاك قمرة اسهر واغنيلك احلب واسقيلك
يا ضيك القمحى يا غنوتى وفرحى ايدك على ايدى صوتك على صوتى
عطشك على عطشى يا غنوتى وفرحى
..............................................................................................................................................................
ازيس
يا ازيس ما تدوريش ولا تسأليش ولا تتعبيش
ارجوكى تانى ما تحلميش
اصل الحقيقة تبقى فى الاخر حقيقة
ديما تعيش عنوان لعالم خان ولا يختشيش
لملمينى علمينى واكتبينى حروف للاسمك
جمعينى جمعينى وارسمينى زى رسمك
واكتبى من فوق جبين البسملة
وارسمى فوق ننى عينى الزلزلة
وعلقينى نبات عنيكى خمسة وخميسة
وحجاب وكتاب يخبط كل باب ويكون جواب للمسألة
بركان بركان يخد الزنزنا
